لا لا تفقد الأمل

ابونا متاؤس ياحبيب المسيح ..
قلبى علشانك تعبان جريح ..
اتغدر بيك وسُبيت زى الحمل الذبيح ....

خلاص فاض بية و ضاع منى الكلام ..
وقلبى بينزف من الوجع ويا الألام ...

من هــــدم وسجن وقتــــل وتعذيب ...
بس اعرف انك رسالة قوية للحبيب ..

بصلى ليك ليل ويا النهـــار ..
وشمس البر هتشرق يابار ..

بتتعذب والكل بيتفرج عليك ...
لكن اعرف ان الرب حاميك ....
دايما وعده انا عينى عليك .....


تقوى وشدد من قوتك وعزمك ..
دالهك بالفـــــعل حبــــك ....
وفى يوم راح ياخد حقى وحقك ....

كلمة الحق قوية ومسنونة ....
فى قلب الغدر راسخة مكنونة ...

خانتك وطالتك ايد الغدر والغادرين ...
وانت كنت مسالم وطيب وأمين ...

لا لاتفقــد يا ابتـــى شعاع الأمـــل ..
دالهك يحملك على كتفيه مثل الحمل ...

الدموع انهالت من عينى زى المطر ..
والنار تحرق فى قلبى ومش حاسس بيه القدر ...

نفسى اجى اخرجك من سجنك قدام كل البشر ...

فووووووق ياوطن

عرفت معنى الظلم وانا فى احضانك ...

واتفرض على ان اودعك وانسى احبابك..

وانت مصرا تخزلنى وانا فى حتى حماك ...

تكلم فانت البيت والمجتمع والحمى....

واغتصب حقى الظلم وقذف بى فى الثرى....

ليه تعجز عن الدفاع وانا عايزة ابنيك ....

واتمنى ان السلام يسود فى اراضيك .....

سايب عدوك ياكل فى قلبك وفاكره بيواسيك ..

وبعتنى ليه وانا ياوطنى اللى شاريك ...

كفاية ياوطنى اولادى واحبابى ...

سجنتهم وقتلتهم وانت رافض تدق على بابى ..

ليه كل ده وانت مش عارف تعيش فى غيابى ..

انا السلام والأمان وانت ضيعت منى احبابى ..

ورجعت تانى !!!!!

قلت لعقلى قوم انهض افتح للحوار الباب ...

لكن للأسف لقيت الظلم واعوانه اسراب سراب

واقفت ضده مش راح تغلبنى حتى لو الظلم غلاب ..

لأمتى هتسيب الظلم مايقدس الروح ولا الأموات ..

سايبه يطيح فينا ويرمى اشلائنا فى كل الشتات ..

فووق بقى وخلى الضمير يصحى حتى للأوقات ...

شكر وتقدير

اشكر جميع من احترم قلمى وفكرى ففى هذه المدونة
سوف يكون هناك فكر خاص فكر عن محاربة الفساد والفكر المتطرف
الذى يريد ان يطيح بنا وبوطننا نحن نناشد جميعا من اجل هدف واحد
وهو ممارسة الحقوق الشرعية التى شرعها لنا الله دون خوف او اضطراب
عالمين ان الطريق تتكاثف فيه الأشواك ولكن إيماننا هو الله الحى الذى قال
انا هو الطريق والحق والحياة